अकलूज : श्री संत शिरोमणी रविदास महाराज यांची ६४८ वी जयंती आज अकलूजमध्ये विविध धार्मिक आणि सामाजिक उपक्रमांनी अत्यंत उत्साहात साजरी करण्यात आली. सकाळपासूनच जयंती सोहळ्याची शाही सुरुवात झाली, ज्यामध्ये नामस्मरण, भजन, प्रवचन, पुष्पृष्टी आणि महाआरतीचा समावेश होता.
या कार्यक्रमात अकलूज ग्रामपंचायतीचे माजी सरपंच किशोरसिंह माने पाटील, पीपल्स रिपब्लिक पार्टीचे प्रदेशाध्यक्ष सोमनाथ भोसले, वीरशैव समाज संघटनेचे जेष्ठ मार्गदर्शक चंद्रकांत शेटे, सावित्रीबाई फुले पुणे विद्यापीठाचे माजी सिनेट सदस्य डी. जी. कांबळे, परीट समाज संघटनेचे शांतीलाल कारंडे, श्री संत ज्ञानेश्वर महाराज सोहळ्याचे मानकरी सुरेश देशपांडे आणि अनेक अन्य मान्यवर उपस्थित होते.
कार्यक्रमाच्या उद्घाटनानंतर सुहास उरवणे यांनी रविदास महाराजांचे विचार आणि शिकवण यावर प्रबोधन केले. अकलूज ग्रामपंचायतीचे माजी सरपंच किशोरसिंह माने पाटील यांनी समाजातील सर्व घटकांना एकत्र घेऊन या सोहळ्याचे आयोजन केले असल्याबद्दल कृतज्ञता व्यक्त केली.
जयंती सोहळ्याच्या वेळी रक्तदान शिबिर आयोजित करण्यात आले, ज्यामध्ये २५ रक्तदात्यांनी रक्तदान केले. तसेच समाजातील सेवानिवृत्त, सेवा बढती, शैक्षणिक आणि क्रीडा क्षेत्रात नैपुण्य मिळवणाऱ्या विद्यार्थ्यांचा सन्मान करण्यात आला. कार्यक्रमाच्या यशस्वीतेसाठी डॉ. दिलीप गुजर, आबासाहेब शिंदे, अशोक कांबळे, बाबुराव भगत, बंडू खडतरे, अॅड. भारत गोरवे आणि अनेक कार्यकर्त्यांनी परिश्रम घेतले.
कार्यक्रमाचे आयोजन लक्ष्मी बालाजी हॉल येथे करण्यात आले होते आणि यावेळी ८०० पेक्षा अधिक समाज बांधव उपस्थित होते. महिलांचा या कार्यक्रमात मोठा सहभाग होता. महाप्रसादाचे आयोजन रोहिदास शंकर कांबळे आणि रतन रोहिदास कांबळे यांच्या वतीने करण्यात आले होते.
सूत्रसंचालन राजाराम गुजर यांनी केले, तर बंडू खडतरे यांनी आभार मानले.
